HATAW! D'yaryo ng Bayan hatawtabloid.com
BACOLOD CITY – Pinaniniwalaan sinaniban ng masamang espirito at hindi naulol ang isang aso makaraan sunod-sunod kagatin ang pito katao sa lungsod ng Bacolod, kahapon ng madaling araw.
Umatake ang aso dakong 2 a.m. sa Brgy. 2 at 6 sa lungsod ng Bacolod at kinakagat ang sino mang tao na nakasasalubong sa daan o sa labas ng kanilang bahay.
Ayon sa isang biktima na si Robert Natalio, kakaiba ang kilos ng naturang aso kung ihahambing sa asong ulol dahil nagbabaga ang mata nito.
Aniya, ang asong ulol ay tumatakas matapos makakagat ng biktima at umuungol kapag nasaktan, taliwas sa nambiktima sa kanila na matagal bitiwan ang kanyang kinakagat.
Napag-alaman, matapos makakagat ng pito katao ay napatay rin ang aso nang hampasin ng bakal sa ulo.
Ang aso ay palaboy lamang ngunit pinapakain ng isang Fatima Cubias ng Brgy. 2 kapag pumupunta sa kanilang bahay kaya nasanay na itong pumunta sa kanilang lugar.
(KARLA OROZCO)
