Global City sinalakay ng salisi

PROBLEMA na sa Bonifacio Global City (BGC) sa Taguig, ang paglaganap ng “Salisi Gang”  na kalamitang nabibiktima ang mga dayuhang turista, mga negosyante, at executives. Naghain ng reklamo sa Taguig Police si Carlex Randolph  Jose, 46, sales executive ng Nestle Philippines sa Cebu, na dumalo sa taunang convention ng kanilang kompanya, na nabiktima ng salisi gang nang kumain sa food court ng SM Aura sa BGC.

Dakong 7pm, nakulimbat ang kanyang mamahaling iPad, Rayban, P10,000 cash at mahahalagang dokumento na nakalagay sa kanyang sling black bag na ipinatong niya sa ka-tabing upuan habang kumakain.

Biyernes, dakong 8pm, nagreklamo ang Japanese national na si Miyoshi Nakayuma, 37, systems engineer mula Nashihara, Chiba, Japan, na nasalisihan din ng mamahaling digital camera sa Market-Market. (JAJA GARCIA)