HATAW! D'yaryo ng Bayan hatawtabloid.com
HALOS masimot ang mahahalagang personal na gamit ng isang dentista, nang looban ng isang nagpanggap na pasyente sa Sampaloc, Maynila, iniulat kahapon.
Kinilala ni MPD-Station 4 commander Supt. Samuel B. Pabonito, ang biktimang si Dra. Dulce Otamias, 45, ng G. Tuazon St., Sampaloc.
Sa salaysay ng doktora, dakong 2:26 p.m. nang pumasok ang suspek sa kanyang klinika, na inilarawang may taas na 5’8, katamtaman ang laki ng katawan, maitim, may kulay ang buhok, nakasuot ng asul na pantalon at rubber shoes, na inakala niyang kostumer.
Matapos hanapin ng suspek ang mga anak ng doktora, ay nagdeklara ng holdap at sinamsam ang mga personal na gamit ng biktima saka mabilis tumakas ang suspek gamit ang ‘di naplakahang motorsiklo
Kabilang sa mga natangay ang gintong kuwintas na nagkakahalaga ng P20,000, 3 laptop (P105,000), Toshiba camera (P60,000), Cannon camera (P40,000), Samsung cellphone (P10,000), Samsung Galaxy cellphone (P30,000), graduation ring (P10,000) at P5,000 cash. (l. basilio)
