‘Bomba’ ni Lasala, Esmeralda inaabangan

INAABANGAN ng Malacañang ang sinasabing ibubunyag ng dalawang sinibak na deputy directors ng National Bureau of Investigation (NBI).

Unang sinabi nina dating NBI deputy directors Roel Lasala at Reynaldo Esmeralda na may ilang NBI officials ang malapit kay Janet Lim-Napoles.

Sinabi ni Communications Sec. Sonny Coloma, hihintayin nila ang ibubunyag ng dalawang NBI officials.

Ayon kay Coloma, dapat malaman ang katotohanan at mga kongkretong ebidensya.

Dapat din aniyang mapanagot ang nagkasala.

“Hihintayin natin ang kanilang pagbubunyag. Kailangang mabatid ang buong katotohanan, at kung ang paglalahad ay batay sa konkretong ebidensya. Dapat mapanagot ang may pananagutan,” ani Coloma.

(LAYANA OROZCO)