Bakla/tomboy sa Palasyo, OK sa Gabriela

APRUBADO sa Gabriela Party-List na maging susunod na pangulo ng Filipinas ang bakla o tomboy.

Ito ang posisyon ni Gabriela Rep. Luz Ilagan makaraan ipahayag ni Senadora Miriam Defensor-Santiago na babae dapat ang susunod na maging presidente ng bansa.

Ayon kay Ilagan, wala silang kinikilingan kung babae, lalaki o miyembro ng LGBT (lesbian, gay, bi-sexual at transgenders) ang susu-nod na magiging pangulo ng bansa basta kwali-pikado, pro-women at isinusulong ang gender equality, mataas ang standard ng pamumuhay, positibo sa development ng edukasyon, health care at impra-estruktura.

Ipinagtatanggol  ni  Ilagan ang karapatan ng bawat isa na kumandidato sa pinakamataas na posisyon sa bansa ngunit dapat siguruhin na competent sa pagiging presidente ng Filipinas.

(JETHRO SINOCRUZ)