FOI bill ‘di urgent kay PNoy

MALABONG sertipikan bilang urgent ni Pangulong Benigno “Noynoy” Aquino III ang Freedom of Information (FOI) bill na bagamat lusot na sa Senado ay nakabinbin pa rin sa mababang kapulungan ng Kongreso.

Sinabi ni Communications Sec. Sonny Coloma, maingat ang Pangulong Aquino sa paggamit ng kanyang kapangyarihan para mag-certify ng panukalang batas.

Ayon kay Coloma, mas mainam na magkaroon nang malayang talakayan hinggil sa naturang panukala at hintayin ang aksyon ng Kamara.

Una nang nangamba ang mga kinatawan ng Bayan Muna sa Kamara na mauwing muli sa wala ang pagpapasa ng Senado sa Freedom of Information bill, sa pagsasabing natutulog pa rin ito sa House committee on information.

(ROSE NOVENARIO)