HATAW! D'yaryo ng Bayan hatawtabloid.com
TULUYANG nagpaalam na si Ali Peek sa paglalaro sa PBA pagkatapos ng 16 na taong paglalaro.
Kinompirma ni Peek sa pamamagitan ng kanyang Twitter account ang kanyang pagreretiro sa PBA dulot ng ilang mga pilay na nakakaapekto sa kanyang paglalaro sa Talk ‘n Text.
“2day I retire from professional basketball. I thank my family, loved ones, friends, team, coaches, management, and God: what a ride!” ayon kay Peek.
Kinompirma rin ni TNT coach Norman Black ang pamamaalam ni Peek sa liga.
“Ali will be missed by Talk ‘N Text and the PBA. For the last 16 years, the man-mountain has been a force in the paint despite standing a little over 6-foot-3,” ani Black na nag-draft kay Peek para sa Pop Cola noong 1998.
Bukod sa TNT at Pop Cola, naglaro rin si Peek sa Coca-Cola, Alaska at Sta. Lucia. (James Ty III)
