P300-M shabu nasamsam sa condo

Tinatayang nasa 75 kilo shabu  na nagkakahalaga ng mahigit P300 milyon, ang nasamsam sa buy-bust operation sa isang condominium unit sa Sentosia, Macapagal Blvd.,  Barangay Tambo, Parañaque City.

Isinagawa ang ope-rasyon, Miyerkoles ng umaga, ng pinagsanib na pwersa ng Philippine National Police-Anti-Illegal Drugs Special Operations Task Force (PNP-AIDSOTF) at Philippine Drug Enforcement Agency (PDEA).

Ayon kay Police Chief Inspector Roque Merdeguia, legal officer ng AIDSOTF, natagpuan sa ikatlong palapag ng gusali ang dalawang maleta sa loob ng cabinet na naglalaman ng shabu at isang sako na naglalaman ng 75 kilo ng shabu.

Noong Enero 24,  isang sasakyan ang hinarang ng AIDSOFT sa bahagi ng Marina Bay, at nasamsam ang P1.36 bil-yong halaga ng shabu na dadalhin  sa Cavite.

Target sa operasyon ang 8 suspek na sina, Marvin Tan, alyas “Tiu”; Frederick Tan, Jhonson Co, alyas “Johnson Chua”, Jacky Sia Huang, alyas “Tsoi”, Richard Catungal, Fernando Alegre Dilima, James Garcia, alyas “Ming-ming” at isang alyas “Emmy.”

(JAJA GARCIA)