Racela, Uichico no comment sa paglipat

AYAW munang magsalita ang mga assistant coaches ng MVP Group na sina Joseph Uichico at Nash Racela sa plano umano ng kanilang among si Manny V.  Pangilinan na magkapalitan sila ng puwesto.

Ayon sa ulat, ililipat umano si Racela sa Meralco bilang assistant coach ni Ryan Gregorio samantalang si Uichico naman ay mapupunta sa Talk ‘n Text bilang assistant naman ni Norman Black.

Sina Uichico, Racela, Gregorio at Black ay mga assistant coaches ni Chot Reyes sa Gilas Pilipinas.

“As of now, wala pang final. Di ko alam, pero parang si Olsen naman,” wika ni Racela bilang pantukoy sa kanyang kapatid na lumipat mula Petron patungong San Mig Coffee bilang assistant coach ni Tim Cone. “Kung kailangan at kung saan makakatulong, siyempre, I’m just being a good soldier.”

Unang nagkasama sina Uichico at Black noong sila’y nasa coaching staff ng San Miguel Beer.

“Not that I know of, but you just go and talk to Ryan about that. He should know if there are any changes,” ani Uichico.

(James Ty III)