Adik na Bombay niratrat ng kaanak

MAY kinalaman sa paggamit ng ilegal na droga  ang  nakikitang motibo ng mga awtoridad, nang pagbabarilin ang isang Indian national ng kanyang mga kaanak, sa Caloocan City kamakalawa ng gabi .

Kritikal ang kalagayan ng biktimang si Amreek Singh, nasa hustong gulang, residente sa Barangay Bagbaguin, sanhi ng mga tama ng bala ng hindi nabatid na kalibre ng baril sa iba’t ibang bahagi ng katawan.

Arestado ang mga suspek na sina Prapjut Singh, Burmak Singh, Satuk Singh, at pinaghahanap ang isang Bikram Jeek Singh, na mga kaanak ng biktima.

Batay sa ulat ng pulisya, dakong 10: 00 kamakalawa ng gabi, nang maganap ang pamamaril sa harap ng bahay ng biktima.

Kausap ni Amreek ang asawa at anak na  lalaki nang dumating ang dalawang motorsiklo sakay ang apat na suspek na siyang bumaril kay Amreek. Bagama’t katabi hindi tinamaan ng bala ang anak niyang si Amman Preet.

Nabatid na bagong laya ang biktima sa kasong paggamit ng droga at ang nagpakulong ay ang mga kaanak niyang suspek.

(rommel sales)