HATAW! D'yaryo ng Bayan hatawtabloid.com
NAGPAKITA ng bangis ng kamao si Pinoy boxer Rey Loreto nang gulpehin niya at patulugin ang dating world champion at African boxer Nkosinathi Joyi para maangkin ang bakanteng International Boxing Organization (IBO) Jr. Flyweight world title kahapon sa The Salle des Etoiles sa Monte Carlo, Principality of Monaco.
Itinigil ng South African referee Andile Matika ang laban sa nalalabing 49 segundo ng Round 3 pagkatapos na paulanan ng suntok ng Pinoy pug ang African boxer.
Maluha-luha si Loreto pagkatapos na ideklara ang kanyang sensesyunal na panalo. Ayon sa kanya, dream-come-true ang pagkakampeon niya sa boxing, na sa kanyang kamusmusan ay pinangarap na niya iyon.
Si Loreto na tubong Davao ay may taguring “The Hitman” na nag-imprub ang karta sa 18 wins, 13 loses na may inirehistrong 10 KOs. Samantalang si Joyi na dating kampeon sa IBF minimumweight ay bumagsak sa 24 wins, 3 loses na may 17 KOs.
“We are so happy, we did it!! The South African was a dangerous experienced opponent. But I knew we could do win. Loreto is new world champion,” pahayag ng kanyang manager na si Brico Santig.
“This world title is a triumph for all the Philippines, a victory of all,” dagdag pa ni Santig.
Ang Loreto-Joy ilan lang sa supporting attractions sa main event at depensa ni IBO/WBA middleweight world champion Gennady “GGG” Golovkin (28-0, 25 KO’s) kontra kay Ghana challenger Osumanu Adama (22-3, 16 KO’s).
