HATAW! D'yaryo ng Bayan hatawtabloid.com
ISANG batang babae ang hinihinalang biktima ng rape ang natagpuang patay sa bangketa malapit sa Plaza Dilao, Paco Maynila, kahapon ng umaga.
Kinilala ang biktimang si Arlyn Joy Balolong, ng 872 Pandacan, kinompirma sa pulisya ng ina ng biktimang si Elizabeth Balolong, 38, ng nasabing lugar.
Ayon kay Elizabeth, dakong 10:00 ng gabi, nang huli niyang makita ang anak sa tapat ng kanilang bahay.
Sa ulat ni PO2 Michael Maraggun, ng Manila Police District-Homicide Section, dakong 12:30 ng madaling araw nang matagpuan ang bangkay sa harap ng Old PNR Station, Pres. Quirino Avenue, Plaza Dilao, ng isang barangay tanod, na si Ramon Sus, 34, ng Brgy. 825, Zone 89 habang nag-roronda sa lugar.
Hinihinalang ni-rape muna ang biktima nang matagpuang walang damit pang-itaas, duguan ang ari at nakita sa lugar ang pantalong maong na pag-aari nito.
Ayon sa isang residente, isang ‘di nakilalang lalaking lasing ang nakitang nakataas ang damit, nang dumaan sa lugar at nagtanong kung saan ang daan papuntang Pandacan.
Ayon sa ulat, posibleng suffocation ang sanhi ng pagkamatay ng biktikma nang matagpuang nakasubsob sa lupa ang mukha ni Arlyn Joy.
Dinala ang bangkay sa Harold Funeral Parlor para sa awtopsiya.
(leonard basilio/Jason Buan)
