Totoy patay sa sunog

ISINAILALIM sa state of emergency ang isang barangay sa Cebu City.

Kasunod ito ng sunog na pumatay sa 10-anyos na si Jerry Consas at ikinasugat ng anim iba pa habang daan-daan residente ang nawalan ng tahanan sa Sitio Warwick Barracks sa Brgy. Ermita.

Kaugnay nito, gagamitin ang P100,000 calamity fund ng barangay upang tugunan ang pangunahing pangangailangan ng mga biktima na pansamantalang nanunuluyan sa Ermita Sports Complex.

Sa pagtaya ng Cebu City Fire Department, mahigit P1 milyon ang halaga ng pinsala ng sunog.   (BETH JULIAN)