Friday , April 4 2025

P4-M iPhone, cash ‘hinoldap’ sa negosyante ng BoC agent

010714_FRONT

NATANGAY ang mahigit P4 milyong halaga ng cellular phones at cash, sa mag-asawang negosyante, ng grupong nagpakilalang ahente ng Bureau of Customs, noong nakaraang linggo, sa Pasay City.

Sa reklamo ng mag-asawang Lovely Choi, 33, at Evan Choi, ng 2 Barangay Capitol Hills, Quezon City, kamakalawa lamang natapos ang imbestigasyon ng Pasay police, natangayan sila ng 80-pirasong bagong iPhone 5s, P300,000 cash at dalawang ATM cards ng mga suspek.

Ani Pasay police chief Senior Supt. Florencio Ortilla, nakipagtransaksiyon sa mag-asawa ang isang Leah Larayna, na  bibili ng bagong cellular phone at itinakda ang  pagkikita sa lobby ng SM Sea Residences Condominium sa Macapagal Blvd., dakong 6:00 ng gabi.

Nang makarating sa lugar ang mag-asawa, nakausap nila sa cellphone si Larayna at sinabing ang mister niya ang magtutungo sa lugar dahil nasa bangko pa siya at nagwi-withdraw ng pera.

Makalipas ang ilang sandali, dumating ang isang lalaki na nagpakilalang mister ni Larayna at nagtanong sa mag-asawa kung dala nila ang bibilhing cellular phone para mabayaran na niya ng cash.

Nang masiguro na hawak ng mag-asawa ang mga bagong iPhone 5s, bumalik sa kotse ang lalaki para kunin umano ang pambayad, pero nang magbalik ay may kasamang tatlo pang kalalakihan na nagpakilalang ahente ng BoC at kinompiska ang tatlong bag ng mag-asawa na naglalaman ng cellular phones, cash at ATM cards.

Nang makuha ang kailangan, kinaladkad ng mga suspek ang ginang papunta sa nakaparadang Nissan Altera na may conduction sticker ng KD 1493 habang nagawa namang makatakas ni Evan.

Habang nasa Coastal Road, Parañaque City, humingi pa ang mga suspek sa ginang ng kalahating milyon kapalit ng hindi nila paghahain ng kasong smuggling.

Nagmakaawa ang ginang hanggang sa ibaba siya ng mga suspek sa tapat ng Bamboo Organ sa Las Piñas City kung saan siya humingi ng tulong sa pulis Las Piñas.

(JAJA GARCIA)

About hataw tabloid

Check Also

MNL City Run Presents Elorde The Flash Run 2025 – Run Like A Champ FEAT

MNL City Run Presents: Elorde The Flash Run 2025 – Run Like A Champ

Unleash Your Inner Champion, Run for a Cause! Get ready to lace up, push your …

Alas Pilipinas Maganda ang simula sa AVC Beach Tour

Alas Pilipinas Maganda ang simula sa AVC Beach Tour

NAGSIMULA ng maganda ang Pilipinas sa Rebisco Asian Volleyball Confederation (AVC) Beach Tour Nuvali Open …

NAITAS DOT magkaakibat para sa Takbo Para Sa Turismo

NAITAS, DOT magkaakibat para sa “Takbo Para Sa Turismo”

ANG National Association of Independent Travel Agencies (NAITAS) at ang Department of Tourism (DOT) ay …

Rosales Pangasinan Fire Sunog

Sa Rosales, Pangasinan
INA, 10-ANYOS PIPI-BINGING ANAK PATAY SA SUNOG MULA SA POSTE NG KORYENTE

ISANG 30-anyos ina at 10-anyos anak na babaeng pipi at bingi ang namatay sa sunog …

DENR, LGU kinalampag sa illegal resort construction sa Bohol

DENR, LGU kinalampag sa illegal resort construction sa Bohol

SUMIKLAB ang galit ng mga lokal na residente kaugnay sa viral video ng isang backhoe …

Leave a Reply

Your email address will not be published. Required fields are marked *