HATAW! D'yaryo ng Bayan hatawtabloid.com
ISANG 63-anyos ina ang ang pinagsasaksak ng adik na anak sa loob ng kanilang bahay sa Malabon City, kamakalawa ng umaga.
Patuloy na nagpapagaling sa San Lorenzo Women’s Hospital (SLWH) ang biktimang si Nelia Medina, 63, ng Angela St., Brgy. Maysilo, sanhi ng mga saksak sa braso at mukha.
Agad naaresto ang adik na anak na kinilalang si Dennis Medina, 28-anyos, nakatakdang sampahan ng kasong frustrated parricide habang nakapiit sa detention cell ng Malabon Police.
Sa ulat ng pulisya, dakong 10:35 ng umaga nang maganap ang insidente sa loob ng bahay ng mga Medina.
Dumating umano ang suspek na lango sa droga at sa pagpasok pa lamang ay pinagsabihan ng kanyang ina na kapag hindi tinigilan ang masamang bisyo ay mapipilitan na silang ipakulong ang anak, dahilan upang magwala si Dennis.
Sa ulat, parang halimaw na kumuha ng gun-ting ang suspek at limang beses na pinagsasaksak ang sariling ina mabuti na lamang at naawat ng ilang kaanak.
(ROMMEL SALES)
