HATAW! D'yaryo ng Bayan hatawtabloid.com
BALAK ng Barangay Ginebra San Miguel na pakawalan na ang back up point guard na si Josh Urbiztondo.
Isang source ng Gin Kings ang nagsabing ipapasa nila si Urbiztondo sa Air21 na kailangan ng point guard para makatulong si Wynne Arboleda.
Marami nang mga point guards ang Ginebra tulad nina LA Tenorio, Jayjay Helterbrand at Emman Monfort kaya kailangan nilang alisin si Urbiztondo na kinuha ng Kings mula sa Barako Bull noong PBA Commissioner’s Cup.
Dating naglaro si Urbiztondo sa Burger King, Sta. Lucia Realty at San Mig Coffee.
Sa ngayon ay ginagamit ni Air21 coach Franz Pumaren si Joseph Yeo bilang point guard at gumawa siya ng triple double na 19 puntos, 10 rebounds at 14 assists sa huling panalo ng Express kontra Globalport noong araw ng Pasko.
Hindi pa sumasagot ang Air21 tungkol sa trade at kung sino ang kukunin nila kapalit ni Urbiztondo.
Ni JAMES TY III
