Friday , April 4 2025

Tsekwang casino player timbog sa bala, baril at droga

122713_FRONT
Arestado ang isang Chinese national dahil sa pagdadala ng sangkaterbang baril, bala, granada at isang sachet na shabu sa isang casino sa Pasay City, Huwebes ng umaga.

Kinilala ni Pasay City Police Chief S/Supt. Florencio Ortilla ang suspek sa pamamagitan ng nakuhang identification card, na si Jerry Sy, 42, negosyante,  ng 48 Fugoso Street, Tondo, Maynila.

Sa inisyal na ulat ni SPO3 Rodolfo Suquina, Jr., ng Station Investigation and Detective Management Section (SIDMS), dakong 1:15 ng madaling araw nangyari ang insidente  nang nagkagulo sa Aquino Joint ng Resorts World, makaraang habulin ng saksak ni Sy ang isang Fil-Chinese na kinilalang si Joseph Ang, 58, casino agent ng Ringson’s International Office, nasa ikalawang palapag ng Resorts World Casino, Villamor, Pasay city.

Sa pahayag ni Sy, pinuntahan niya si Ang para tubusin ang kanyang isinanlang relo sa halagang P50,000.

Pero sinabi ni Ang na wala na ang relo na ikinairita naman ni Sy na humantong sa pagtatalo ang dalawa hanggang magkasakitan at maghabulan ng sasakyan.

Nang inspeksyonin ang kotse  (Honda Accord DL 5101) na dala ng suspek, tumambad sa mga pulis ang limang baril, dalawang anti-riot smoke grenade, tatlong hand grenade, isang electrical traser gun, maraming bala, martilyo, palakol, mga patalim, spikes at stun gun at gwantes.

Mayroon  isang plastic sachet na naglalaman ng hinihinalang shabu.

Ayon sa suspek, hindi sa kanya ang sasakyan at hiniram lamang niya sa isang kaibigan na hindi binanggit ang pangalan.

Inaalam ng pulisya kung miyembro ng isang sindikato ang suspek at kung saan gagamitin ang nakompiskang mga armas.

Nahaharap sa kasong illegal possession of firearms, ammunitions, explosives, deadly weapons, paglabag sa Dangerous Drugs Act of 2002 at physical injuries.

ni JAJA GARCIA

About hataw tabloid

Check Also

Alas Pilipinas Maganda ang simula sa AVC Beach Tour

Alas Pilipinas Maganda ang simula sa AVC Beach Tour

NAGSIMULA ng maganda ang Pilipinas sa Rebisco Asian Volleyball Confederation (AVC) Beach Tour Nuvali Open …

NAITAS DOT magkaakibat para sa Takbo Para Sa Turismo

NAITAS, DOT magkaakibat para sa “Takbo Para Sa Turismo”

ANG National Association of Independent Travel Agencies (NAITAS) at ang Department of Tourism (DOT) ay …

Rosales Pangasinan Fire Sunog

Sa Rosales, Pangasinan
INA, 10-ANYOS PIPI-BINGING ANAK PATAY SA SUNOG MULA SA POSTE NG KORYENTE

ISANG 30-anyos ina at 10-anyos anak na babaeng pipi at bingi ang namatay sa sunog …

DENR, LGU kinalampag sa illegal resort construction sa Bohol

DENR, LGU kinalampag sa illegal resort construction sa Bohol

SUMIKLAB ang galit ng mga lokal na residente kaugnay sa viral video ng isang backhoe …

Duterte ICC

Para sa pagsusulong ng Crime Against Humanity
1 KASO NG MURDER SWAK PARA LITISIN SI DUTERTE – ICC

HATAW News Team ISANG kaso lang ng pagpatay ay sapat na para lumarga ang Crime …

Leave a Reply

Your email address will not be published. Required fields are marked *