Dyumingel sa puno sapol ng ligaw na bala

Ilang araw pa bago ang Bagong Taon,  meron nang biktima ng ligaw na bala sa Naga City.

Sa report ng Naga City Police, sugatan si Romel Jeroy, 40, residente ng Zone 5, Barangay Calauag, matapos tamaan ng ligaw na bala.

Kasama ang kanyang mga kaibigan na nag-iinuman nang makaramdam na naiihi ang biktima kaya tumayo at naghanap ng maiihian.

Habang umiihi, naramdaman niyang may tumama sa kanyang kaliwang hita at biglang nagdugo saka  nabatid na tinamaan siya ng ligaw na bala.      (Beth Julian)