Erap bumisita kay CGMA

BUMISITA kahapon si  dating Pangulo at ngayo’y Manila Mayor Erap Estrada kay dating Pangulo at ngayo’y Pampanga Representative Gloria Macapagal-Arroyo sa Veterans Memorial Medical Center (VMMC), Quezon City

Dakong 2:55 ng hapon dumating sa VMMC ang convoy ni Estrada para dalawin si Arroyo na naka-hospital arrest dahi sa kasong pandarambong.

Sa pahayag ni Atty. Ferdinand Topacio, ikinatutuwa ng pamilya Arroyo ang pagbisita ni Estrada at ang atensyong ibinibigay nito sa kalagayan ni CGMA sa ospital ngayong Kapaskuhan.

Para sa kampo ni Arroyo, “President Erap’s magnanimous gesture is the best evidence of the Biblical saying that ‘what ye sow, so shall ye reap.’”

Binalikan ni Topacio ang pagbibigay ng pardon ni CGMA kay Estrada na anya’y nagbigay dito ng kalayaan at pagkakataong makapagsilbi muli sa mamamayan bilang alkalde.

Pinapurihan din ng abogado si Erap, sabay patutsada naman kay Pangulong Noynoy Aquino.

Sa ilalim ng administrasyong Aquino, na-hospital arrest si Arroyo sa kasong pandarambong.

(leonard basilio)