Be Humble masuwerteng naitawid

Masuwerteng naitawid na primero ni Pati Dilema si Be Humble sa idinaos na 2013 PHILRACOM Grand Derby nitong nagdaang Sabado sa Sta. Ana Park. Naorasan ang tampok na pakarera ng 2:08.0 (24’-24-26-25’-27’) sa distansiyang 2,000 meters.

Sa kabila ng pagkapanalong iyan ay maraming BKs ang hindi nakumbinsi sa nangyari, dahil nasaan daw iyong mga diremate na nakalaban gayong mahaba ang distansiya ?

Sobrang dikitan ang naging bentahan sa takilya, pero nung takbuhan na ay magkakalayo na ang agwat. May napasigaw naman ng mabuti na lang si Mark ang may sakay kay Divine Eagle, kundi ay baka hindi na nakalagpas si Be Humble. Kasi mas amo daw ni Mark ang koneksiyon nung nanalo ?

Tinanong ko kung bakit ? Katulad daw sa nangyari nung matalo ang outstanding favorite na si Yes Boy ay tinatanaw lang ni Mark iyong nasa harapan niyang si Makisig hanggang sa pumasok sa rektahan ay kumalas ng biglaan sa likuran iyong una dahil sa akalang makakaraos na iyong huli, ang kaso ay kinapos din.

Sabay dugtong pa ng  pagkatapos nun ay iba na ang nagdala kay Yes Boy at nanalo pa ng hugando. Sa nakapanayam nating iyan sa isa nating klasmeyt ay marunong na siya nung naisulat dito sa kolum natin na rebisahing mabuti ang mga pangalan ng tao na nasa programa, kaysa sa mga kabayong tatayaan.

Kaya ikaw klasmeyt, pag-aralan din mabuti at tutukan ang mga pangalan ng tao upang sa gayon ay mapasabay din sa mga mapanamantala sa karerahan.

Fred Magno