Kelot sinuba sa sex 2 bading tinarakan

HALOS manghiram ng mukha sa aso ang isang lalaki nang kuyugin ng taumbayan matapos pagsasaksakin ang dalawang bading na make-up artist dahil sa hindi pagbabayad makaraan ang pakikipag-sex ng isa sa mga biktima kahapon ng madaling araw sa Malabon City.

Arestado ang suspek na kinilalang si Lester delos Santos,19, ng Barrio San Jose, Navotas City, na bugbog ang inabot at nahaharap sa kaukulang kaso habang nakapiit sa detention cell ng Navotas Police.

Ginagamot naman sa Jose Reyes Memorial Medical Center (JRMMC) ang mga biktimang kapwa 29-anyos na sina Roderick Doctor alyas Regine, at Allan Kahulugan alyas April, residente ng #60 Samson St., Brgy. Concepcion ng nasabing lungsod, sanhi ng mga saksak sa mukha at likod.

Sa ulat ng pulisya, dakong 12:30 a.m. nang maganap ang insidente sa loob ng bahay ng dalawang make-up artist sa nasabing lugar.

Dumating ang suspek at tumabi sa natutulog na si Doctor hanggang mauwi sa pakikipagtalik.

Matapos ito, hinihintay ng suspek ang napag-usapang P200 bayad ngunit hindi siya binigyan hanggang magkaroon ng mainitang pagtatalo at pinagsasaksak ni Delos Santos si Doctor at si Kahulugan.    (R. SALES)