HATAW! D'yaryo ng Bayan hatawtabloid.com
NAHAHARAP sa patong-patong na kaso ang project sales consultant na sinasabing nagtangkang tumangay ng relief goods habang nagpapanggap na sundalo sa Villamor Air Base kamakalawa ng hapon sa Pasay City.
Si Dexter Basilio, 35, ng Phase 1, Block 1, Lot 9, Sunshine Homes, Brgy. De Castro GMA, Cavite, ay nakasuot pa ng uniporme ng sundalo dakong 1 p.m. nang arestuhin ni A1C Alvin Alpichi, miyembro ng Philippine Air Force (PAF), sa massage booth sa loob ng Villamor Air Base .
Ayon sa pahayag sa pulisya ng testigong si Sheryl Tanggana, 25, ng #1254-B Cruzada St., Quiapo, Maynila, at staff ng Department of Social Welfare and Development (DSWD), nagpakilala sa kanya bilang sundalo si Basilio at humihingi ng mga diaper para sa mga inaasikaso niyang mga bata na mga anak ng evacuees.
Hindi niya binigyan ngunit nagpatulong na naman sa kanya ang suspek na buhatin ang relief goods sa massage booth na napag-alaman nagkakahalaga ng mahigit P1,000.
(JAJA GARCIA)
