HATAW! D'yaryo ng Bayan hatawtabloid.com
IPINAGMALAKI ng mga Pinoy si Manny Pacquiao matapos manaig kay Brandon Rios noong Linggo.
Sa larangan ng chess, puwede ring ipangalandakan ang husay ni Pinoy GM Julio Catalino Sadorra.
Masaya rin ang mga Pinoy chess fans nang angkinin naman ni Philippine Chess ranked No. 3 Sadorra ang 2013 UT Dallas Fall Grandmaster Invitational na ginanap sa Embassy Suits, Dallas, Texas noong Martes.
Sumulong si Sadorra ng 6.5 points matapos itulak ang dalawang huling panalo sa event na ipinatupad ang nine-games round robin format.
Pinagpag ni Sadorra (elo 2577) sa last at ninth round si Velentin Yotov (elo 2568) ng Bulgaria sa 24 moves ng Reti upang siguruhin na masusungkit ang titulo.
Sa penultimate round, alanganin ang posisyon ni Sadorra subalit nagawan nito ng paraan para manalo upang umangat ng kalahating puntos sa mga katunggali papasok ng huling ikot. (A. P. DAWA)
