HATAW! D'yaryo ng Bayan hatawtabloid.com
PINABULAANAN ng kampo ng Barako Bull na planong pakawalan ang power forward na si Rico Maierhofer.
Ito ang klinaro ng team manager ng Energy Colas na si Raffy Casyao bilang reaksyon sa mga ulat na itatapon umano si Maierhofer sa Globalport habang mapupunta ang rookie na si Justin Chua sa Petron at makakakuha ang Energy Colas ng isang first round draft pick sa susunod na taon.
Dating manlalaro si Maierhofer ng koponan ni Mikee Romero sa PBL na Harbour Centre habang hindi pa ginagamit si Chua ngayong PBA MyDSL Philippine Cup.
“That’s not true. No negotiations going on. We are happy with our team right now,” wika ni Casyao. “Rico M will blend perfectly with our team which consists mostly of tried and tested players. It was our agenda before the season started and right now the result is positive for us.”
Sa ngayon ay nasa reserve list si Maierhofer sa Barako dahil sa sobrang daming mga manlalaro sa lineup ni coach Bong Ramos. (James Ty III)
