Norzagaray budget officer utas sa tandem

AGAD nalagutan ng hininga ang lady budget officer ng Norzagaray Municipal government sa Bulacan, makaraang pagbabarilin sa harap ng simbahan ng isa sa dalawang lalaking sakay ng motorsiklo, habang pababa ng kanyang sasakyan upang magsimba kahapon ng umaga

Ang biktimang tinamaan ng apat na bala sa dibdib ay kinilalang si Yolanda Ervas, 55, may-asawa, at residente rin sa bayang ito.

Ayon sa inisyal na ulat ng Norzagaray PNP, pasado 6:30 a.m. kahapon nang lapitan ng isang armadong lalaking naka-helmet ang biktima at bigla na lamang pinagbabaril at pagkaraan ay mabilis na tumakas sakay ng motorsiklo.

Ayon sa ilang mga saksi, ilang oras bago pinaslang ang biktima ay nakita nila ang dalawang lalaki na nakatayo malapit sa pintuan ng Saint Andrews Parish Church na parang may hinihintay hanggang mangyari ang krimen.

(DAISY MEDINA)