HATAW! D'yaryo ng Bayan hatawtabloid.com
PATAY ang isang 2-anyos totoy, habang sugatan ang kanyang 7-anyos kuya sa pagmamaltrato ng dalawa nilang tiyahin Taguig City.
Hindi na umabot nang buhay sa Taguig-Pateros District Hospital ang biktimang tinawag sa pangalang James.
Buhay pero bugbog-sarado ang pitong-taon niyang kuya na itinago sa pangalang Michael, mula sa kamay ng malupit nilang mga tiyahing sina Kristine, 25, at Irene, 48, ng Maharlika Village.
Sa pahayag ng panganay na si James kina POs2 Jenaline Sadang at Sarrah Villarama, ng Women and Children’s Protection Desk (WCPD) ng Taguig police, nagsimula umano ang pagmamalupit ng kanilang mga tiyahin matapos silang akusahang makukulit.
Madalas umano silang kinukurot at hinahampas ng plastic na takip ng drum bago sinasapak at inuuntog sa semento.
Ayon sa panganay, bukod sa pagpalo ng matigas na tsinelas sa kanilang magkapatid, sinasakal at inihahagis pa umano ni Irene si James sa dingding na naging dahilan ng pagsusuka at panghihina nito kaya’t kapwa sila isinugod sa pagamutan pero namatay si James .
Nalaman ang pagmamaltrato sa magkapatid ng mga tauhan ng Public Order and Safety Office (POSO) na nakatalaga sa naturang pagamutan kaya’t agad nilang pinigil ang dalawang tiyahin ng mga biktima.
Nasa himpilan ng pulisya ang mga suspek na nakatakdang sampahan ng kasong parricide at paglabag sa Republic Act 7610 o Child Abuse.
(JAJA GARCIA)
