HATAW! D'yaryo ng Bayan hatawtabloid.com
PUGANTE pa rin maituturing ang developer na si Delfin Lee sa kabila ng pag-abswelto ng Court of Appeals sa kasong syndicated estafa at pagpapawalang bisa sa warrant of arrest na inilabas ng hukuman sa Pampanga.
Ayon kay Department of Justice (DOJ) Sec. Leila de Lima, nananatili pa rin ang bisa ng arrest warrant dahil hindi pa naman pinal ang ipinalabas na resolusyon ng appellate court.
Kaugnay nito, sinabi ni De Lima na maghahain sila sa CA ng motion for reconsideration sa pamamagitan ng Office of the Solicitor General para hilinging baligtarin ang nauna nitong desisyon.
Nag-ugat ang kaso laban kay Lee sa mahigit P7-bilyon maanomalyang pautang na inaprubahan ng Pag-IBIG Fund para sa mga bumili ng bahay sa housing project ng kompanya sa Mabalacat, Pampanga ngunit natuklasan na ghost borrowers. (L. BASILIO)
