HATAW! D'yaryo ng Bayan hatawtabloid.com
ANG items mula sa antique stores o estate sales ay may taglay na malakas na enerhiya mula sa dating may-ari ng mga ito. Ito ay uri ng enerhiya na nakatatak sa mga ito at mayroong kasaysayan na nangyari sa lugar kung saan dating nakalagay o naka-display.
Ito ay partikular sa antique mirrors, gayundin sa mga kama. Kaya ang ibig bang sabihin ang antique mirror o antique bed sa inyong bahay ay bad feng shui?
Bad feng shui ba ang pagbili ng items mula sa antique stores o estate sales?
Hindi bad feng shui na bumili ng items mula sa antique stores o estate sales. Dito ay makabibili ka ng magagandang bagay na maaaring nababagay sa inyong bahay, sa murang halaga.
Gayunman, ang items mula sa antique stores at estate sales ay nagtataglay ng malakas na enerhiya mula sa dating may-ri ng mga ito.
Kung ang item ay inilagay sa lugar na may good feng shui energy, maswerte ka, at kung ang item ay may taglay na negative vibration, maaaring ma-pollute nito ang enerhiya ng inyong bahay.
Mayroong ilang physical objects na sumisipsip nang higit na enerhiya kaysa ibang items. Halimbawa, ang mga bagay na yari sa glass o reflective materials, katulad ng glass, silver o pewter ay sumisipsip ng mas kaunting enerhiya kaysa non-reflective materials, katulad ng wood, clay, o heavy, thick fabrics.
Kaya mainam na iwasan ang pagbili ng antique bed o sofa, halimbawa, maliban na lamang kung ipaaayos mo ito upang magmukhang bago.
Mainam din kung lilinisin mo ang enerhiya ng items mula sa antique stores o estate sales, upang matiyak na hindi ka magdadala ng questionable energy sa inyong bahay, sa pamamagitan ng pagsasagawa ng space clearing.
Lady Choi
