HATAW! D'yaryo ng Bayan hatawtabloid.com
PUSPUSAN ang paghahanap ng mga awtoridad sa 200 preso na pumuga mula sa Tacloban City Jail sa kasagsagan ng pananalasa ng super typhoon Yolanda.
Inatasan na ni DILG Secretary Mar Roxas si PNP Region-8 Director Elmer Soria na pag-ibayuhin ang paghahanap sa mga nakatakas na ang iba ay may mabibigat na kaso.
Inabisohan na rin ang mga chief of police ng Region-8 na maging alerto laban sa mga pugante na baka sakaling umuwi sa kanilang mga pamilya.
Kabilang sa paiigtingin ang pagbabantay bukod sa Tacloban ay ang mga lugar ng Palo, Leyte, sa Tanauan at Tolosa.
Nauna nang naibalik sa detensiyon ang mahigit 30 bilanggo.
HATAW News Team
