Lady realtor, driver pinosasan ng holdaper

PINOSASAN muna bago nilimas ang malaking ha-laga ng salapi, mamaha-ling gadgets at personal na gamit ng isang lady realtor at kanyang driver ng dalawang holdaper na nagpanggap na bibili ng bahay at lupa kamakalawa ng umaga sa Taguig City.

Bandang hapon na nang makahingi ng tulong sa pulisya ang mga biktimang si Arseli Lopez, 49, at driver niyang si Jose Tizon,  matapos  silang iposas sa loob ng kanilang dalang sasakyan at iwanan sa isang lansangan sa Heritage Park.

Batay sa ulat ng pulis-ya, nakipagtransaksyon ang mga suspek kay Lopez sa kanyang tanggapan sa Innova Land Realty Inc., sa Prestige To-wer, Ortigas Center at nagpanggap na bibili ng bahay at lupa sa Tagaytay City.

Hinimok ng mga suspek ang biktima na samahan sila sa Tagaytay City upang personal na makita ang ibinebentang bahay at lupa kaya’t bumiyahe sila kamakalawa ng umaga gamit ang Mitsubishi Adventure ni Lopez.

Habang tinatahak ng sasakyan ang C-5 Road pasado 9 a.m. naglabas ng baril ang mga suspek at nagdeklara ng holdap bago pinosasan ang mga biktima sa likurang bahagi ng sasakyan at kinuha ang P100,000 cash ni Lopez, pati na ang kanyang gadgets at personal na gamit

Isa sa mga suspek ang nagmaneho ng sasak-yan hanggang Heritage Park na pinaghihintayan ng apat pang kasabwat na may dala rin isang sports utility vehicle na ginamit nila sa pagtakas.

Pasado 4 pm nang makahingi ng saklolo ang mga biktima matapos silang iwanan na nakaposas sa loob ng sasak-yan. (JAJA GARCIA)