HATAW! D'yaryo ng Bayan hatawtabloid.com
NAGBIGTI ang isang 15-anyos estudyante sa loob ng bahay ng kaibigan ng kanyang ina kamakalawa ng gabi sa Taguig City.
Patay na nang madiskubre ni Gemma Tredes ang bangkay ng anak na si James, nakabigti ng nylon cord sa bahay ng kaibigang si Jilda Nuylan, sa J. Ramos St., Brgy. Ibayo, Tipas.
Sa imbestigasyon nina POs1 Darwin Allas at Victor Amado Biete ng Taguig police, isinama ni Gemma ang anak sa bahay ng kaibigan kamakalawa ng umaga upang magtanim ng pandan sa bakanteng lote.
Dakong hapon, iniwan ng ginang ang anak upang sunduin ang isa pang anak sa isang Catholic school sa Pasig City.
Nang balikan ng ginang si James dakong 7:00 ng gabi upang isama pauwi, laking-gulat niya nang makitang nakabigti na ang binatilyo.
Napag-alamang sinundo ni Gemma ang anak sa Cavite upang sa Pateros pag-aralin nang matuklasan na lagi umanong matamlay ang anak
Salaysay ni Gemma sa pulisya, masikreto ang kanyang anak at hindi nagsasabi ng kanyang nararamdaman kaya’t blanko pa sila sa motibo ng pagbibigti nito. (JAJA GARCIA)
