DILG sinugod ng Anakpawis

Sinugod ng mga residente ng Sitio San Roque, Barangay Pag-asa, Quezon City kasama ang grupong AnakPawis, ang tanggapan ng Department of Interior and Local Government (DILG) sa Agham Road.

Ilang minutong nahiga sa kalsada ang mga raliyista bilang pagpapakita ng kanilang pagtutol sa anila’y paglalagay ng harang ng malalaking kompanya sa paligid ng kanilang tirahan.

Ang naturang lugar ay dini-develop bilang central business district ng Quezon City.

Nais ng mga raliyista na personal na idulog kay DILG Secretary Mar Roxas ang pagkakaroon ng maayos at disenteng malilipatan.

Nagbanta naman ng muling panghaharang sa EDSA ang mga raliyista sakaling hindi makinig ang gobyerno sa kanilang mga hinaing.

Matatandaan noong Hulyo, nagkaroon ng tensyon sa Agham Road matapos magbarikada ang mga residente ng Sitio San Roque.