Castro itutuloy ang programa ng Gilas

MALAKI ang kompiyansa ng dating team manager ng Gilas Pilipinas na si Butch Antonio sa kanyang kapalit na si Salvador “Aboy” Castro.

Hinirang si Castro sa kanyang bagong trabaho bilang bahagi ng pagbalasa ng mga team managers na hawak ng MVP Group.

Inilipat naman si Antonio sa MVP Sports Foundation ngunit mananatili pa rin siya sa Meralco bilang team manager.

Si Paolo Trillo ang papalit kay Castro sa paghawak ng Talk ‘n Text.

“At least I get to focus more on Meralco,” wika ni Antonio sa isang panayam sa radyo noong isang gabi. “Preparations under Aboy are moving already and he will have to sit down with the PBA about how to go about the preparations for the FIBA World Cup.”

Ngunit kahit wala na si Antonio sa Gilas, makakasama rin niya ang national team sa biyahe nito sa Espanya para sa FIBA World Cup sa susunod na taon.

“Our modest goal is to make it to the second round. If we can win at least two games in our bracket, then we are assured of a slot in the top 16 in Spain,” ani Antonio.             (James Ty III)