Kolehiyala ginilitan sa leeg ng BF (Nang-block sa FB)

CEBU CITY – Ginilitan sa leeg ng isang 18-anyos lalaki ang kanyang girlfiend bunsod nang matinding selos sa Brgy. Puti-an, bayan ng Bantayan, Cebu kamakalawa.

Ayon kay PO1 Jay Desucapan ng Bantayan Police Station, nag-away ang dalawa dahil nagduda ang suspek na may ibang minamahal ang 18-anyos nobya na nag-aaral ng kolehiyo sa bayan ng Madredijos sa nasabing isla.

Ito’y dahil sa pag-block ng biktima sa suspek sa social media na Facebook at hindi na makontak sa telepono.

Aniya, kinompronta ng suspek ang biktima sa mismong bahay ng kanyang nobya at sa kalagitnaan ng kanilang pag-uusap ay biglang kumuha ng kutsilyo ang salarin at nilaslas ang leeg ng kolehiyala.

Inamin ng suspek ang krimen at sinasabing nagawa niya iyon dahil sa hindi pag-amin ng biktima na mayroon na siyang iba.

Samantala, sinabi ng mga doktor na kaunti na lamang at malapit nang maputol ang lalamunan ng biktima.

Kusang sumuko ang suspek sa ama ng biktima na isang barangay tanod.

Nasa mabuti nang kalagayan ng biktima na mariing pinabulaanan ang akusasyon ng nobyo partikular ang pag-block sa Facebook.