Tax exempt kay Pia OK sa House Committee

LUSOT na sa House ways and means committee ang panukalang batas na nagbibigay ng tax exemption sa kinita at premyo ni Miss Universe 2015 Pia Alonzo Wurtzbach sa sinalihang beauty pageant.

Nabatid na naaprubahan ito, ilang minuto bago ang pagdalaw ng Cagayan de Oro beauty queen sa Batasan Pambansa sa Quezon City.

Naging ‘unanimous’ ang boto ng mga miyembro ng komite para ipasa ang House Bill 6367 na inihain ng magkapatid na sina Reps. Rufus at Maximo Rodriguez Jr.

Sa ilalim ng House Bill 6367, magiging exempted na si Pia sa pagbubuwis sa lahat ng natanggap niyang premyo, kabilang ang buong taon na sweldo, accommodation sa New York apartment, supply ng haircare products at marami pang iba.

Una nang inamin ng BIR na hindi maaaring patawan ng buwis ang korona ni Pia dahil lumutang sa impormasyon na ito ay ipinahiram lamang.