Ex-vice mayor tiklo sa droga

ARESTADO ang isang dating vice mayor sa bayan ng Famy sa lalawigan ng Laguna makaraang isilbi ang search warrant sa kanyang farm sa Brgy. Salang Bato, bayan ng Famy, sa nabanggit na lalawigan.

Kinilala ni Laguna PNP provincial director, Senior Supt. Ronnie Montejo ang suspek na si Amadeo Punio alyas Deo, dating vice mayor ng Famy.

Nakuha sa kanyang pag-iingat ang isang shotgun, .22 rifle, revolver, homemade cal .22, hand grenade, drug paraphernalia at ang tinatayang 117.65 grams ng shabu na nagkakahalaga ng mahigit P500,000.

Si Amadeo sinasabing miyembro ng criminal gang sa nabanggit na bayan.

Ang suspek ay nahaharap sa kasong illegal possession of dangerous drugs, illegal possession of firearms and ammunition at illegal possession of explosives. 

Boy Palatino