Bus firm sinuspinde sa aksidente

NAGA CITY – Pinatawan agad ng preventive suspension ng Land Transportation Franchising and Regulatory Board (LTFRB) ang Raymond bus company na nasangkot sa aksidente sa Quezon province kamakalawa ng madaling araw.

Ayon kay Insp. Dina Rendellion, naalis na nila mula sa sinalpok na restaurant ang bus upang hindi makaapekto sa daloy ng mga sasakyan sa lugar.

Nakatakdang kasuhan ng reckless imprudence resulting in homicide, multiple physical injuries and damage to properties ang driver na si Leandro Dequito.

Umakyat na sa 42 ang sugatan sa insidente na pawang pasahero ng bus.

Nananatili pa sa punerarya ang bangkay ng 19-anyos biktimang si Jessa Estimo, empleyado ng retaurant, binawian ng buhay sa insidente.

Una rito, nag-overtake ang bus sa isang sasakyan sa palikong kalsada sa bayan ng Sariaya na naging daan upang mawala ito sa direksyon hanggang tumagilid at sumalpok sa naturang establisyemento.

Tiniyak ng pamunuan ng Raymond Transportation ang tulong sa mga biktima ng insidente.