77 APC donasyon ng US dumating na sa Subic

DUMATING na kamakalawa ng gabi ang unang batch ng mga Armored Personnel Carrier (APC) na ibinigay ng Estados Unidos sa Filipinas sa ilalim ng US Excess Defense Article Program.

Nasa 77 M113A2 APC ang dumating sa Subic bilang unang batch.

Nasa 114 kabuuang APC ang ido-donate ng US sa Armed Forces of the Philpines (AFP).

Sa ilalim ng EDA, pinapayagan ang Estados Unidos na libreng ibahagi sa mga kaalyadong bansa ang mga kagamitang militar na sobra sa kanila.

Ayon kay AFP Public Affairs Office (PAO) chief, Col. Noel Detoyato, ang pagbiyahe sa mga nasabing tangke patungong Filipinas lamang ang ginastos ng pamahalaan na nagkakahalaga ng P67.5 milyon.

Ang nasabing hakbang ng Amerika ay bilang tugon sa formal request ng AFP na tulungan sila sa mga hakbangin na gawing moderno ang defense system ng Filipinas.

Samantala, nakatakdang dumating sa Lunes, Disyembre 14, ang ikalawang batch ng 37 tangke mula sa U.S.