IS recruitments sa Mindanao ibinunyag ng mayor

KORONADAL CITY – Kinompirma ni Cotabato City Mayor Japal Guani Jr., patuloy ang recruitment ng armadong grupo na konektado sa Islamic State (IS) group, sa mga kabataan sa kanilang lugar upang sumailalim sa pagsa-sanay sa paggawa ng bomba.

Ito ang naging rebelasyon ng alkalde sa gitna nang pagtanggi ng militar at pulisya sa naturang impormas-yon.

Nagpahayag ng pag-kabahala ang alkalde sa nasabing impormasyon at sinabing nasa 30 kabataan sa kanilang lugar ang ni-recruit ng IS-inspired Ansar al-Khalifa Philippines (AKP).

Ipinangako anila sa mga kabataan ang pang-araw-araw na pagkain, allowance at pocket mo-ney habang nagsasanay sa paggawa ng bomba sa bulubunduking bahagi ng Palimbang, Sultan Kuda-rat.

Sinabi ng alkalde, target ng grupo ang mga menor de edad at out-of-school youths na mahilig sa pagbabasa ng Koran.

Kaugnay nito, hini-mok ng opisyal ang mga magulang na i-monitor nang mabuti ang kanilang mga anak upang maiwasan na maimpluwensiyahan at mapabilang sa naturang armadong grupo.

Napag-alaman, una nang inihayag ni M/Gen. Edmundo Pangilinan, commander ng 6th Infantry Division, Philippine Army na nakabase sa Maguindanao, wala pang direktang ebidensiya na nagre-recruit na ng mga tauhan sa Mindanao ang IS group.