Kongresista, kalaguyo kinasuhan ni misis (Sa Agusan del Norte)

BUTUAN CITY – Sinampahan ng reklamong Violation Against Women and Children (VAWC) ni Judy Chin-Amante sa City Prosecutor’s Office ng Cabadbaran sa lalawigan ng Agusan del Norte ang asawa niyang si Rep. Erlpe John Amante habang concubinage ang inihain laban sa sinasabing kalaguyo ng mambabatas na si Katrina Marie Mortola dahil sa pakikipagrelasyon sa lalaking may asawa.

Sinusuportahan ni Gov. Ma. Angelica Rosedell Amante-Matba ang kanyang hipag sa dahilang isa rin siyang ina, asawa at lider.

Ayon kay Gov. Matba, malaking kahihiyan ang dala ng kanyang kapatid na kongresista sa kanilang apelyido at sa legasiyang iniwan ng kanilang mga magulang lalo na’t pinatakbo pa niya sa pagka-mayor sa Cabadbaran City si Mortola.

Dagdag ni Gov. Matba, apektado na ang mga anak ng kongresista sa kanyang pinagagawa kung kaya’t sinuportahan niya ang ang kanyang hipag.

Hinihintay ang magiging kasagutan ni Amante sa isinampang kaso laban sa kanya.