Bigtime drug dealer tangkang tumakas, utas

TACLOBAN CITY- Patay sa mga awtoridad ang pinaniniwalaang drug dealer sa Calbayog City, Samar, makaraang tangkaing tumakas kamakalawa.

Sa pinag-isang puwersa ng Calbayog City PNP at Samar Police Provincial Office, nadakip ang isa sa bigtime drug dealers sa Samar na si Ronaldo Magbutay, 33, sa kanyang bahay sa Purok 1, Brgy. Nihaga, Calbayog City.

Sa nasabing operasyon ay narekober mula sa bahay ng suspek ang tatlong malalaking sachets ng shabu na nagkakahalaga ng P40,000 hanggang P50,000, P100,000 cash, drug paraphernalia at isang baril.

Ngunit nagtangkang tumakas ang suspek kaya binaril ng mga pulis.

Napag-alaman, si Magbutay ang itinuturong supplier ng shabu at inilalagay ito sa loob ng fighting cock shampoo.

Nahuli rin sa operasyon ang nadalawang kasama niya na sina Rodel Ungkal, 25, at Romy Tarayo, 33-anyos.

Pinalaya si Tarayo dahil napag-alaman na isa lamang siyang karpintero na ipinatawag ni Magbutay para ayusin ang kanyang bahay.