Mag-asawa sa Koronadal todas sa tiyuhin

KORONADAL CITY – Patay ang mag-asawa habang dalawa ang sugatan sa pamamaril sa Lungsod ng Koronadal kamaka-lawa ng gabi.

Kinilala ang mga biktimang napatay na sina Belen Consumo, 33, at Romy Consumo, 36; habang ang mga sugatan ay sina Jerly Consumo at Joselito Consumo, mga anak ng suspek na si Jose Consumo, 46, pawang mga residente sa Purok Mariveles, Brgy. Paraiso nitong lungsod.

Sa panayam sa sugatang si Jerly, pinsan ng mga napatay, pasado 9pm nang lumabas sa kanilang bahay si Romy na nakainom ng tuba (alak mula sa niyog).

Ayon kay Jerly, nagkaroon nang matinding pagtatalo sina Romy at si Jose dahil nailawan ang biktima ng flashlight.

Tinangkang awatin ng iba pang mga kaanak ang dalawa, ngunit binunot ni Jose ang kanyang caliber .38 at binaril ang mag-asawa na kapwa tinamaan sa dibdib.

Agad binawian ng buhay si Belen habang isinugod sa South Cotabato Provincial Hospital si Romy ngunit idineklarang dead on arrival.

Mabilis na tumakas ang suspek makaraan ang krimen.

Nagpapatuloy ang imbestigasyon ng Koronadal City PNP sa insidente at inaalam kung may malalim na galit sa pagitan ng mga biktima at suspek.