Zero visibility sa GenSan sa haze mula Indonesia

GENERAL SANTOS CITY – Apektado na rin ng haze ang Lungsod ng Heneral Santos bunsod nang makapal na usok na mula forest fire sa Indonesia.

Sinabi ni Indal Bansuan weather, forecaster ng Pagasa-GenSan,  ilang araw nang nararanasan ang haze na tinatawag ding smaze o kombinasyon ng smoke at haze, at halos buong Rehiyon 12 ang apektado.

Nararanasan din sa GenSan ang haze dahil sa hangin mula sa Indonesia na hinihigop ng bagyong Lando papunta sa bansa.

Dahil dito, apektado na rin ang biyahe ng mga eroplano dahil sa zero visibility.

Nagbabala ang mga eksperto sa publiko kaugnay sa posibleng epekto ng smaze sa kalusugan.

Nakatakda na ring talakayin sa city council ang naturang problema.