Magkalaguyo tiklo sa buy-bust

KORONADAL CITY- Nahaharap sa kasong paglabag sa RA 9165 o Dangerous Drug Act of 2002 ang magkalaguyong naaresto sa drug buy bust operation nang pinagsanib na puwersa ng Banga PNP at 4th Manuever Company ng RPSB 12 sa Prk.6, Brgy. San Vicente, Banga, South Cotabato kamakalawa.

Kinilala ni Senior Insp. Senen Balayon, ang hepe ng Banga PNP, ang mga suspek na sina Ronnie Duyo, 35, residente ng Brgy. Liwanay ng nasabing bayan, at Maricel Barredo, 21, residente ng Zone 6, Surallah, South Cotabato.

Nakuha mula sa mga suspek ang limang sachet ng shabu, P500 buy-bust money at isang Mitsukoshi na motorsiklo.

Nabatid na may standing warrant of arrest si Duyo dahil sa kasong paglabag sa RA 9262 na ayon sa kanya ay isinampa ng kanyang asawa.