Misis, kalaguyo arestado habang nagdo-do

SAN FERNANDO CITY, La Union – Nahaharap sa kasong pakikiapid o adultery ang isang misis at ang kanyang kalaguyo makaraan silang maaktohan ng mister na nagtatalik sa loob mismo ng kanilang silid-tulugan sa lungsod ng San Fernando, La Union.

Ayon sa mister na isang tricycle driver, matagal na niyang minamanmanan ang kanyang asawa dahil sa kumakalat na tsismis sa kanilang lugar na may panibagong kalaguyo ang kanyang misis.

Aniya, minsan na rin niyang nabuking ang kanyang misis sa pakikipagrelasyon sa ibang lalaki ngunit nagkasundo sila kalaunan nang humingi ng paumahin at nagpakita ng pagsisisi ang asawa.

Ngunit sa kanyang pamamasada ay may nakarating sa kanyang balita mula sa kanilang lugar na nagtungo ang pangalawang kalaguyo ni misis sa kanilang bahay.

Nang makompirma na totoo ang kumakalat na tsimis humingi ng saklolo ang mister sa mga kawani ng San Fernando City Police Station.

Sinasabing naaktohan ng mister at ng mga pulis ang dalawa sa loob ng silid-tulugan.

Sa paglalarawan ng mister, nakahubad at nakasuot lamang ng brief ang lalaki, habang ang kanyang misis ay naka-nighties at walang underwear.

Pansamantalang nakalaya ang naturang misis at ang kanyang kalaguyo makaraan maglagak ng piyansa.