HATAW! D'yaryo ng Bayan hatawtabloid.com
RATED R
ni Rommel Gonzales
SI Dennis Trillo ang pinakamadalas na kaeksena ni Royce Cabrera sa Green Bones, kaya naman feeling nasa cloud nine ang binata dahil idolo niya ang Kpauso Drama King.
“Dito madalas kong kaeksena si Kuya Dennis,” umpisang kuwento ni Royce sa amin.
Kumusta kaeksena ang isang Dennis?
“Wow,” bulalas ni Royce, “sabi ko nga kay Kuya Dennis, ‘Pag may time, papaturo ako ng tips and techniques sa iyo.’
“Kasi si Dennis Trillo, isa ‘yan sa mga idolo ko sa pagiging aktor. And ayun po, na-witness niyo ‘yung trailer pa lang.
“‘Yung sinabi kanina ni Sir Mike [Michael] de Mesa na ‘yung magic ni Dennis, which is kitang-kita po talaga.”
Unang pelikula rin ito ni Royce na makasama si Dennis na kilalang mahusay na dramatic actor.
Na-starstruck at nawindang si Royce noong malamang makakasama niya si Dennis sa isang proyekto.
“Yes po,” pakli ni Royce. “Isa po ‘yun sa mga ikinonsidera ko rin noong nakita ko ‘yung script niyong ‘Green Bones.’ Noong in-offer sa akin ‘yung role, na may Dennis, sabi ko pagkakataon ko na ito, isa rin ‘yun sa dahilan.”
Sa direksiyon ni Zig Dulay at sa panulat nina National Artist for Film and Broadcast Arts na si Ricky Leeat MMFF 2023 Best Screenplay winner [for Firefly] na si Anj Atienza, kasama rin sina Alessandra de Rossi, Ronnie Lazaro, Wendell Ramos, at sina Iza Calzado at Nonie Buencamino sa espesyal na partisipasyon.
