HATAW! D'yaryo ng Bayan hatawtabloid.com
MAS PINASAYA at mas pinabongga ang Parade of Lights at Street Dancing Competition nang magtagisan ng galing ang apat na mga eskuwelahan na Pasay City West High School, Pasay North, Pasay South, at Pasay East sa pamumuno ng Pamahalaang Lungsod Pasay kahapon.
Bukod sa mala-fiestang street dancing, ipinarada rin ang iba’t ibang pailaw at float lulan ang sari-saring palamuti bilang pakikiisa sa ika-161 Founding Anniversary ng lungsod na may temang “Pasayahin 2024: Tuloy-tuloy ang Sigla!”
May nakalatag na mga aktibidad at salusalo para sa mga Pasayeño.
Dinagsa ng libo-libong Pasayeño ang aktibidad lalo’t suspendido ang klase at trabaho sa buong lungsod kahapon, araw ng Lunes, upang bigyang-daan ang selebrasyon ng Araw ng Pasay. (EJ DREW)
