HATAW! D'yaryo ng Bayan hatawtabloid.com
ALAM MO NA!
ni Nonie Nicasio
TAMPOK ang sexy actress na si Denise Esteban sa F Buddies at ayon sa kanya, ang takbo ng pelikula ay ukol sa mga taong nagpapakatanga dahil sa love.
Pahayag ni Denise, “Sa F Buddies po, ako ‘yung lead dito… bale ang story po niya is parang napagdaanan siguro ng mga babae na nagpapakatanga sa kanilang ex. Actually, pati mga lalaki ay nakaka-experience nang ganoon, iyong sobrang nagpapakatanga sa ex, ‘yung hindi na nakikita ‘yung worth nila?
“Bale, loves story po ito tungkol sa hindi maka-move on sa ex, nagpapakatanga, hindi na niya nakikita ‘yung ibang tao na nagmamahal talaga sa kanya.”
Dagdag pa ng aktres, “Sa F Buddies po, ako po ‘yung babaeng tatanga- tanga sa pag-ibig. Na kahit iniwan na po ako, pinipilit ko pa rin ‘yung sarili ko, kasi sobrang mahal ko ‘yung ex ko.”
Aminado rin si Denise na na-experience na niya ang nagpakatanga in real life, nang dahil sa love.
“Yes po, na-experience ko na rin po na magpakatanga noon, siguro part of growing up na rin po ‘yun, hahahaha!” Natatawang bulalas pa niya.
Bukod kay Denise, tampok sa F Buddies sina Candy Veloso, Mon Mendoza, Calvin Reyes, at iba pa. Written by Quinn Carrillo and directed by Sid T. Pascua, ang world premiere nito ay sa September 3, exclusively sa Vivamax.
