HATAW! D'yaryo ng Bayan hatawtabloid.com
ALAM MO NA!
ni Nonie Nicasio
IPINAHAYAG ng child actress na si Cheska Maranan ang kagalakan sa pagkakataong ibinigay sa kanya ng GMA-7 na maging bahagi ng seryeng Pulang Araw, na bukod sa Kapuso Network ay napapanood din sa Netflix.
Pahayag ni Cheska, “Sobrang blessed and thankful po ako sa GMA sa ibinigay nilang opportunity po sa akin. And malaking pasasalamat ko po sa taong nag-recommend po sa akin dito.”
Tampok sa Pulang Araw sina Alden Richards, Barbie Forteza, Sanya Lopez, at David Licauco. Kasama rin dito sina Dennis Trillo, Epy Quizon, Angelu de Leon, at marami pang iba.
Si Cheska ay 11 years old at Grade-7 sa Divine Colleges of Pampanga. Nagsimula ang kanyang showbiz career nang nanalo siya sa Showtime Mini Ms. U ng ABS CBN more than five years ago.
Naging bahagi rin siya ng Kids Toy Kingdom Show ni direk Perry Escano na nagtapos na last year.
Nakagawa na ba siya ng movie?
Tugon ni Cheska, “Hindi pa po ako nakagawa ng movie, puro mga commercials po at teleserye sa magkabilang network po.”
Nabanggit din niyang happy siya sa pagpasok sa showbiz.
Wika ng magandang bagets, “Nag-eenjoy po ako, sobrang gusto ko po na pasukin talaga ang showbiz industry.”
“Ang wish ko po is makasama ko po ulit sa ibang projects ang mga nakasama ko po sa Pulang Araw at sana ay dumami pa po ang mga taong patuloy na susuporta at magmamahal sa akin,” nakangiting dagdag pa niya.
