HATAW! D'yaryo ng Bayan hatawtabloid.com
RATED R
ni Rommel Gonzales
SI Vice Ganda ang bagong celebrity endorser ng Luxe Skin Beauty Talks Booster na skincare supplement ng female businesswoman na si Anna Magkawas.
Aniya dahil nagamit na niya ang mga produkto, alam niya kung ano ang kaibahan nito sa ibang skincare products.
“Mahilig ako sa oral, presentation, bata pa lang, anything oral parang kaya ko ‘yan, charot,” ang tumatawang tsika ni Vice.
“‘Yun nga, noong una parang it’s alien to me, ‘yung thought na oral sunblock, parang hindi ko pa siya naririnig, hindi pa ako masyadong aware or exposed sa konsepto, kaya sabi ko, ‘Ay parang ang bongga!’
“Kasi just like me ang dami kong gustong i-try na mga bago, risk taker ako eh, gusto ko marami akong i-try, ayoko niyong nahuhuli ako o kaya it’s either makasabay ka sa panahon o mauna ka or ikaw ang mag-i-introduce ng mga bagong bagay sa mga taong nakapaligid sa iyo.
“So, bago siya sa akin tapos tinry ko siya tapos in-explain niya sa akin, sabi ko, ‘Puputi ba talaga ako?’
“Sabi niya, ‘Hindi naman kasi rin talaga iyon ‘yung ano, hindi kasi ‘yun ang purpose ng paggamit ng produktong ‘yan’
“Kumbaga ‘di ba mayroong superficial na idinudulot sa iyo, mayroong skin-deep na idinudulot sa iyo. Ito hindi lang panlabas ‘yung pinoprotektahan sa iyo at saka hindi lang panlabas ‘yung pinagaganda sa iyo, inaalagaan ka rin niya sa loob.
“And andoon ako sa punto ng buhay ko na gusto ko namang mayroong nag-aalaga sa akin sa loob, hindi lang sa panlabas ang napapaganda sa akin, ‘yung mayroon siyang epekto sa kaibuturan ko.”
